Die jaarlikse derby tussen die Hoërskool Witteberg en die Hoërskool Voortrekker in Bethlehem, het weer eens ‘n opwindende sportnaweek opgelewer. Die Hoërskool Witteberg was vanjaar die gasheer van die derby wat op 30 en 31 Mei plaasgevind het.
Tydens die hoogtepunt op die Bethlehem-sportkalender, het nie net die Bethlehem-gemeenskap bankvas agter die spelers van die twee skole gestaan nie, maar oud-leerlinge en besoekers van oraloor het die spanne ondersteun. Die gees was tasbaar en uitstekende spel is deur al die spanne gelewer.
Witteberg spog met ses oorwinnings uit die 11 hokkiewedstryde, waarvan drie wedstryde gelykop gespeel het. Dit was ook Witteberg se eerste rugbyspan wat vir die tweede agtereenvolgende jaar in ‘n naelbytwedstryd vir groot opwinding gesorg het. Hulle het weer soos verlede jaar in die laaste minute van die wedstyd die bordjies verhang deur Voortrekker met ‘n eindtelling van 34 -33 op die telbord te kon klop. Pieter Nel, Witteberg se kaptein is ook as speler van die wedstyd aangewys.
Voortrekker se netbal was kookwater en het met skitterende spel die netbal oorheers. Vanuit die staanspoor het Voortrekker se eerstespan die spel oorheers en het na die eerste kwart 11-8 voorgeloop. Chloë Opperman, Voortrekker se hoofdoel, is as speler van die wedstryd aangewys. Die span het met ‘n eindtelling van 51-36 op die telbord koning gekraai.
Die kragmetings is deel van die Wesgrow Sentrale Skole Sportreeks en die volledige uitslae is as volg:
Rugby Uitslae:
Eerste span: Witteberg 34 – BVHS 33
Tweede span: Witteberg 17 – BVHS 32
Derde span: Witteberg 21 – BVHS 19
o.16A: Witteberg 18 – BVHS 14
o.16B: Witteberg 0 – BVHS 60
o.15A: Witteberg 16 – BVHS 22
o.15B: Witteberg 24 – BVHS 22
o.14A: Witteberg 3 – BVHS 55
o.14B: Witteberg 0- BVHS 26
Hokkie: Meisies
Eerste span: Meisies: Witteberg 3 – BVHS 3
Tweede span: Meisies: Witteberg 1 – BVHS 5
Derde span: Meisies: Witteberg 1 – BVHS 5
o.16A: Meisies: Witteberg 1 – BVHS 1
o.16B Meisies: Witteberg 2 – BVHS 0
o.14A: Meisies: Witteberg 1 – BVHS 0
o.14B: Meisies: Witteberg 0 – BVHS 2
Hokkie: Seuns
Eerste span: Witteberg 2 – BVHS 2
Tweede span: Witteberg 5 – BVHS 0
o.16A: Seuns: Witteberg 3 – BVHS 0
o.14A: Seuns: Witteberg 5 – BVHS 0
Netbal:
Eerste span: Witteberg 36 – BVHS 51
Tweede span: Witteberg 19 – BVHS 23
Derde span: Witteberg 17 – BVHS 24
o.19D: Witteberg 22 – BVHS 6
o.19E: Witteberg 11 – BVHS 15
o.16A: Witteberg 22 – BVHS 29
o.16B: Witteberg 16 – BVHS 17
o.15A: Witteberg 18 – BVHS 20
o.15B: Witteberg 29 – BVHS 13
o.15C: Witteberg 12 – BVHS 9
o.14A: Witteberg 20 – BVHS 8
o.14B: Witteberg 23 – BVHS 8
o.14C: Witteberg 13 – BVHS 9
o.14D: Witteberg 6 -BVHS 4
Die derby is deurlopend gekenmerk van goeie sportmanskap en -gees.
