Die Valsrivier Veterane-enkelspelrolbaltoernooi het op 23 November in Kroonstad plaasgevind.
Die wenners in die vroueafdeling was Linda van Caspel van die Kroonstad-rolbalklub wat die eerste plek behaal het, Catrien Koekemoer van die Koppies-rolbalklub het tweede plek behaal en Annelie Boucher, ook van die Kroonstad-rolbalklub, het in derde plek geëindig.
In die mansafdeling het De Wet Steenkamp (Kroonstad-rolbalklub) skoonskip gemaak en is as die algehele wenner in hierdie afdeling aangekondig, met Dirk Delport (Frankfort-rolbalklub) in tweede plek. Giep Nel (Kroonstad-rolbalklub) was derde.
