Die Kroonstad-rugbyklub het ’n uitstekende rugbyseisoen beleef. Dié span is as die wenner van die Sandveld-liga gekroon.
Uit die ses ligawedstryde – teen Hoopstad, Bothaville, Viljoenskroon, Theunissen, Bultfontein en Parys – het Kroonstad een wedstryd teen Parys verloor en gelykop teen Hoopstad gespeel.
In die halfeindstryd het die span weer teen Bothaville gespeel. Kroonstad het met 22 – 18 gewen.
Die span dring toe na die eindstryd op 9 Mei deur om teen Hoopstad kragte te meet en as oorwinnaar op sy tuisveld uit die stryd te tree met ’n eindtelling van 10 – 8.
“Ons is dankbaar vir ’n uitstekende rugbyseisoen; die manne het hul beste gegee. Dankie ook aan al die ondersteuners en veral ons borge wat dit moontlik gemaak het,” sê TP Kleynhans, spanbestuurder.
