Leerlinge aan die Bethlehem Voortrekker Hoërskool (BVHS) het vanjaar op elke gebied uitgeblink wat kultuur betref. ’n Wye verskeidenheid kultuuraktiwiteite word beoefen, wat insluit: redenaars, debat, Voortrekkers, koor, eisteddfod en skaak. Die produksie The Greatest Showman is boonop vanjaar aangebied.
Leerlinge het uitstekend gevaar in die ATKV- en Dink-of-Sink-debatkompetisie. In die internasionale spanredenaarskompetisie was Voortrekker se span een van die vyf bestes in die land, en die skool spog met ’n leerling nasionaal in die top tien in die ATKV-redenaarskompetisie.
Kunstefees-pryse en nasionale Oppi-Tong-Af-plekke is ook behaal.
Voortrekker meen kultuur is ’n integrale deel van die ontwikkeling van gebalanseerde leerlinge.
