Vanoggend het ek via Facebook ’n kunstige foto van die beeldskone Karoo naby Uniondale ontvang. Die foto skep ’n donker atmosfeer met die maan wat agter ’n wolk wegkruip en ’n uitgestrekte pad wat duisende gedagtes in my kop laat ontsluit.
’n Oomblik voer Rian Fourie se fotokuns my weg van die dag se probleme, en los my kreatief met my gedagtes en die spook van Uniondale.
Dan stuur Stephanie Koch, ’n kunstenaarvriendin, vir my foto’s van ’n kunsuitstalling in George. Die kleure van die skildery voer my mee en een van haar skilderye oor die bekende Frida Kahlo, ’n Meksikaanse kunstenaar, laat my verlang na reis.
In tye van swaarkry en onsekerheid het kuns die vermoë om grense te oorskry, wonde te genees en die vonk van hoop in ons te ontsteek.
Of dit nou skilderye, beelde, musiek, literatuur, of enige ander vorm van artistieke uitdrukking is, kuns het ’n unieke vermoë om ons siel te raak en troos te bied wanneer dit voel asof die wêreld om ons inplof.
Terwyl ons die moeilike tye navigeer, is dit belangrik om die invloed van kuns te kan ervaar en die sleutelrol wat dit in ons lewen kan speel, ongeag hoe donker dit om ons voel, te omarm.
Kuns voer ons heen na verkillende wêrelde en bied ’n tydelike rusplek te midde van die uitdagings wat ons omring. Dit dien as ’n herinnering aan die skoonheid wat in die wêreld bestaan en help ons om vrede te vind, te midde van die chaos.
Die ondersteuning van kunstenaars is nie net ’n daad van vriendelikheid nie; dit is ’n belegging in ons gesamentlike welstand. Kunstenaars is die visionêre mense wat ons voorsien van ’n lens waarmee ons sin kan maak van die wêreld. Hulle besit ’n unieke vermoë om die samelewing te weerspieël, norme te bevraagteken en verandering te inspireer.
Kuns bevorder dialoog, bevorder begrip en moedig empatie aan, alles wat noodsaaklik is vir genesing en die heropbou van ’n verdeelde lewe, ’n donker toekoms. Dit tree op as ’n verenigende krag in ons gedeelde menslikheid en die krag van veerkragtigheid wat die kunste bied.
Deur kuns te omarm, kan ons troos, krag en ’n hernude gevoel van hoop vind en ons herinner dat selfs in die donkerste tye skoonheid en kreatiwiteit kan gedy.
Koop daai kiekie, luister daai liedjie en leef.
