Kleingoed kan kom baljaar

Groot opwinding wag op kinders wat vanjaar se fees besoek. Dié jonger as sewe kry gratis toegang.

Die dierewelsynsorganisasie Animals in Need gee die kleinspan ’n kans om diere te voer, en die kinders wat dapper genoeg is, kry ’n beurt om saam met Bella die slang foto’s te neem.

Voertyd is die Saterdag om 12:00, en die diere­kospakkies kos R10 elk. ’n Perderit kos R10 per kind.

Benewens vermaak wat die groot pretpark inhou, kan kinders na gesigverf en kameelritte uitsien. Saterdag­oggend kan hulle teen R20 die ATKV se produksie Dinosourusse kan nie lees nie bywoon.

Program: 2 September

• 14:00 – optrede: The Growing Tree Learning Academy
• 14:05 – optrede: trompoppies van Trio Primêr
• 14:15 – optrede: The Growing Tree Learning Academy
• 14:30 – optrede: Dance Domination
• 14:50 – seremonie­meester gee pryse uit
• 15:00 – musiek­uitvoering: Trio Acappella
• 15:15 – revue-optrede: Trio Primêr
• 15:25 – sere­moniemeester gee pryse uit
• 15:30 – op­trede: Dance Domination
• 15:50 – sere­moniemeester gee pryse uit
• 16:00 – JS Bounce