Hof sê oor boer wat man raakry

Adv. Silas Chalale het vir die staat betoog Josef van Eeden (34), ’n boer van die plaas Swartfontein in die Fouriesburg-distrik, het wel die bedoeling gehad om Soka Johannes Mahlaku (60) in Oktober verlede jaar op die plaas Stillewoning in die Bethlehem-distrik dood te ry.

Chalale het voor regter Joseph Mhlambi gesê die beskuldigde het nie probeer om die ongeluk te voorkom nie en het agter die man aan gejaag.

Hy sê die oorledene het probeer om weg te kom van Van Eeden se bakkie af.

Hy het gevra dat Van Eeden aan moord skuldig bevind word.

Adv. Johan Nel het vir Van Eeden betoog dit is duidelik dat Van Eeden nie die bedoeling gehad het om die man dood te ry nie. Hy het gou remme aangeslaan, Mahlaku hospitaal toe geneem en het ook die saak by die polisie gaan aanmeld.