Die Bethlehem- multisportklub se jaarlikse Bieliemielie-marathon vind op Saterdag 26 Februarie in Reitz plaas.
Hardlopers kan met dié marathon vir die Comrades- en Twee Oseane-wedloop kwalifiseer.
Deelnemers kan hulle vir die 42,2 km-, 21,1 km, 10 km- of 5 km-roete inskryf.
Marathon-atlete sal om 06:15 in Sarel Cilliersstraat wegspring.
Groot pryse is op die spel. Almal wat die wedloop voltooi, ontvang egter ’n medalje.
Inskryfvorms is op bieliemielie.co.za beskikbaar.
Belangstellendes kan Ebarnie Cilliers by 082-822-8992 bel vir meer inligting.
