Hoogtepunte op kalender in 2017

Vrouedagbederf

• 4 Februarie: vroue-bederfdag met Hannes van Wyk
• 6-8 Februarie: loopbaan-uitstalling
• 2 Maart: koshuisfunksie
• 28 Maart: opedag gr. 7’s
• 30 Maart: kaskardag
• 24 April: mnr. en mej. BVHS
• 5 Mei: Pa’s- en seunsaand vir jonk en oud
• 20 Mei: Derby
• 10 Augustus: Entangled (skoolopvoering)
• 31 Augustus: prestige kultuuraand
• 1 September: BVHS se 115de verjaarsdag
• 8 September: wildsfees
• 28 September matriekafskeid
• 10 Oktober: modeparade: matrieks

Skool vier 115de bestaansjaar

’n Foto van die eerste onderwysers by dié skool.

Bethlehem Voortrekker Hoërskool het in 1870 sy ontstaan in die konsistorie van die NG kerk gehad. Dit is ten tyde van die Anglo-Boereoorlog onderbreek en daarna is dr. Clarke as die eerste hoof van Bethlehem Hoërskool aangestel. Spoedig het die skool ’n belangrike rol gespeel om die Afrikaner-ideaal in stand te hou en om versoening tussen die twee taalgroepe te bewerkstellig – ’n ideaal waarna ons vandag nog steeds strewe, soos weerspieël word in ons leuse: NON SIBI SED PATRIAE (Nie vir myself nie, maar vir my vaderland!)
In 1938 is die ideaal ook in die skool se naam bevestig, deurdat die skool voortaan as Die Bethlehem Voortrekker Hoërskool bekend sou staan ter herdenking aan die Groot Trek.
Hoogtepunte in die Hoërskool Voortrekker se geskiedenis:
1902 – school re-opens after Anglo Boer War with Dr George Clarke as headmaster.
1936 – Voortrekker word die eerste skool in Suid-Afrika om sy skoolkleure onder die Kleure-registrasiewet te registreer.
1938 – the school receives its name Voortrekker High School.
1940 – die skoollied word die eerste keer gesing in Oktober 1940.
1979 – die nuwe skoolgeboue word betrek.
2002 – viering van 100ste bestaansjaar.
2012 – viering van 110de bestaansjaar.
2017 – viering van 115de bestaansjaar. Feesvieringe vind op 8 September 2017 ten tyde van ons jaarlikse wildsfees plaas.
A school becomes renowned not only for the achievements of present learners, but also for what is achieved by its alumni over time.

Alumni maak skool sterk

Van links is, voor: Richard Naudé, Neil Bishop en Elmarize Knobel; agter: Marius Naudé, Graham Bishop en Hendrik Knobel. Hierdie drie pa’s het 33 jaar gelede saam aan Voortrekker gematrikuleer. Vandag is hulle die trotse ouers van dié drie kinders. Twee matrikuleer vanjaar en Neil begin sy hoërskoolloopbaan. Foto: Verskaf

Die doel van die Alumni is om alle betrokkenes bewus te maak van die skool se erfenis, maar die klem word op die toekomsvisie geplaas. 
Die gemeenskap en veral oudleerlinge is die ruggraat wat die skool se hande sterk maak om die beste vir leerlinge te gee. 
Bethlehem Voortrekker-alumni stel die vriendskap van oud-leerlinge hoog op prys en wil die basis van oudleerlinge tot voordeel van die skool en huidige leerlinge gebruik. 
Lidmaatskap word gegee aan alle oudleerlinge, -onderwysers en Voortrekker-ondersteuners.
’n Databasis word opgebou. 
Alle belanghebbendes wat nog nie van die Alumni deel is nie, stuur ’n e-pos aan bemarking@voortrekker.co.za.

Begin jaar met nuwe personeellede

Nuwe personeellede by die Hoërskool Voortrekker is van links Elnette Coetzee (Engels), Niël Neethling (verantwoordelik vir ingenieursgrafika en ontwerp en tegnologie), Zunel Mulder (Afrikaans), Christo van Zyl (leerderskap) en Minette Nel (leerderskap). Foto: Verskaf

Skool blink uit in Vrystaat

Gelukkig met hul toptoekennings in die Vrystaat, is van links Gys Coetzee (fisiese wetenskap), Almarie Broekman (fisiese wetenskap), Elna de Waal (wiskunde) en Ria van der Walt (wiskunde).

Die Hoërskool Voortrekker se wiskunde- en fisiese wetenskapdepartemente is ná die 2016 matriekuitslae tydens die Vrystaatse onderwysdepartement se prysuitdeling as ’n top-presterende skool aangewys.
Die skool ontvang ook R100 000 vir sy prestasie in wiskunde.

Verwelkom nuwe leerlinge met ’n glimlag

Skool opgewonde oor nuwe sportdrag

In ons 115de jaar is ons opgewonde oor ons nuwe sweetpak wat deel is van ons nuwe Canterbury-sportdragreeks.

Elaine van Wyk en Pieter van Zyl