Feesgangers sal in Kroonstad van naderby met bekende sepie-akteurs kan kennis maak en dalk selfs ’n geselsie aanknoop.
Akteurs van Binnelanders, Suidoosteren Diepe Waterssal as seremoniemeesters op die KIA Makietie en die eerste Ignite and Revive-fees optree. Dié wat sal kom oë wys, is: David Viviers (Liam) en Luandri Reynders (Karen) van Binnelanders; Cedwyn Joel (AB) en Dean Smith (Wade) van Suidooster; asook Werner Coetzer (Jacques) en Reze-Tiana Wessels (Nina) van Diepe Waters. Coetzer is ook bekend as Blitz van Getroud met Rugby. Feesgangers sal selfs ten tyde van die Trio-karnaval se boeresportgeleentheid met die sepiesterre kan kragte meet.
