Die Hoërskool Witteberg in Bethlehem se atlete het op 8 Februarie met ander uitblinkers kragte gemeet op die Noordheuwel-top 15-atletiekbyeenkoms in Krugersdorp.
Witteberg was eerste in die kleinskole-afdeling, vir skole met minder as 1 000 leerlinge, en 13de uit die 49 deelnemende skole.
Die volgende atlete van Witteberg het gewys waartoe hulle in staat is en ’n eerste plek op die byeenkoms behaal:
- Gerhard Bossert (o.16) het die 3 000 m in 09:10.00 voltooi;
- Leoze Lottering (o.16) het die spies 47,25 m ver gegooi;
- Amy Kotze (o.16) het in driesprong ’n afstand van 10,87 m gehaal; en
- Andrea Steynberg (o.16) het die 800 m in 02:12.15 voltooi.
Owen Peterson (o.15) het ’n tweede plek in driesprong behaal met ’n afstand van 13,43 m.
Gerhard het in die 1 500 m ’n derde plek behaal in ’n tyd van 04:13.28. Andrea het ook ’n derde plek losgeslaan, met 59.77 in die 400 m vir meisies o.16, terwyl June Lombard oor dieselfde afstand in 59.80 derde was as o.17-atleet.
Die o.15-atleet Evan Nieuwoudt het in die 300 m-hekkies in 41.98 ’n vyfde plek behaal, asook die o.16-atleet Morapedi Masejane in die 400 m-hekkies in ’n tyd van 01:02.41.
